Two Ediots

营业中

休息中

圣诞节假期同屋企人去咗一转美食节，扫完货出返黎有啲肚饿就干脆喺湾仔觅食。行到入谢斐道就见到呢间充满美式风情嘅舖头，以蓝橙色都几打卡，走入去医肚饿先。我地分别点了两个汉堡同一款小食。<啡菇芝士牛肉汉堡包> $94汉堡包叠得好高身，当中最吸睛就喺大啡菇，底层仲有块手工汉堡扒，咬落去先发现大啡菇中间酿咗虾肉，口感层次具备。汉堡包清爽多汁，可能喺因为加咗唔少生菜，整体味道比想像中轻盈。<软壳蟹牛肉汉堡> $98软壳蟹好似主角，食落酥脆，我地都喺第一次喺汉堡食到软壳蟹mix牛肉，几香口美味㖞。<Cheesesticks> 8pcs $58cheesestick喺屋企人最爱，见到有就叫咗。cheesestick 新鲜炸好上枱，食到一半仲见到拉丝效果，咸香十足。本身食汉堡会有啲论尽，不过餐厅有提供手套畀客人，呢样嘢值得称赞，而门口有个半开放式嘅窗口位，坐喺度望住街外，食住汉堡，为呢个圣诞节难得带来一份写意。