幸屋

营业中

休息中

今日来到呢间好唔起眼的拉面店 因为长期比排挡遮住要等夜晚排挡收左工 先会发现原来呢到有间拉面店选择都唔少 仲有D季节限定面的软硬 汤底浓度等等 都可以customize 好好!!黑松露元贝赤鸡胸汤拉面：食得出黑松露嘅味，亦有带子嘅鲜香。鸡胸好嫩滑，唔想食叉烧的一个好好的选择。虾武士拉面：虾汤比起平时食嘅猪骨汤少咗一份油腻感，多咗一份海鲜嘅鲜味。流心蛋黄煮得啱啱好，一夹都会流晒出嚟，正。叉烧我就拣咗豚角煮，肥膏相对较多，不过就入口即溶，超有罪恶感。和风饺子：一上碟，感觉上似薄饼，而其实饺子就喺底度。有Mayo 酱加埋食，唔错。芝士年糕：成个芝士系炸左既，一咬落去，啲芝士就开始流出来。口感几得意，芝士味道亦浓郁 似系cream cheese，一试无妨。