Wooloomooloo Steakhouse

营业中

休息中

三道菜晚餐 每位港币$398 另收加一龙虾浓汤非常之香浓，龙虾味好脆，仲有少少虾肉添，会有少少回甘味道！虎虾肉，法葱蟹饼 +$68椰菜沙律，风味蛋黄酱个虾饼比想像中冇咁好食，有少少用得太多松肉粉腌制，系有啲咸味，但系一啲都唔鲜。香煎鳕鱼柳炒蔬菜，香草沙律，白酒汁个鱼超级老啊，好似蒸过咗火候嘅中式鱼咁，个汁冇乜味，配咗啲青椒一啲都唔夹唔好食！烤纽西兰肉眼扒 200g +$80芦笋，小甘荀，薯蓉，红酒汁（另加$80）勉强放得落口，唔算好乱画同有牛味，真系好普通啰。个薯蓉就好重牛油味嘅！椰子芝士蛋糕椰子味超出，啲椰丝已经盖过咗芝士蛋糕嘅味道，芝士味唔算浓郁，都唔算cream普普通通，仲要雪得好硬。推荐指数: 4/10讲真埋单$1000 ，完全冇特色都唔好食，呢啲钱不如拎去食其他嘢好过，唔会推荐呢间。