影片
更多
2024-08-10
125 浏览
同朋友去开湾仔，就睇下附近有咩好食，穿过利东街，见合和中心好似有好多选择，就入去行个圈，最后比佢门面吸引左，就拣左佢”一游”，门面同入面嘅装饰都有一种传统嘅感觉，好似去左古代嘅日本咁，好有feel⭐️神龙纯米大吟酿见佢枱面有个卡仔介绍，有支清酒叫神龙，佢个名好勾起童年回忆，搞到我忍唔住睇下支酒嘅介绍，系纯米大吟酿，用山田锦，有果香味，啱晒唔太钟意酒味太浓嘅我，仲适合配搭唔同嘅菜式，一于试下佢⭐️杏子鲜橙烧酎梳打另外仲嗌左杯烧酎，少少甜甜地，杏子同橙嘅味唔会太重，cover左烧酎嘅味道，好夹⭐️鲍鱼沙律沙律嘅汁唔会好浓味，配搭得啱啱好，鲍鱼切片，好淋，唔会硬⭐️刺身五点一落台就比佢个样吸引左，摆得好靓😍，刺身有大吞拿鱼腩、牡丹虾、赤贝、带子、油甘鱼，仲有d颜色鲜艳嘅海藻做装饰，真系又好睇，又好食⭐️十贯寿司d寿司全部都好新鲜，要重点讲下个海胆，好鲜甜⭐️野菜天妇罗盛合跟埋天妇罗汁同盐，食得出有青椒仔、茄子、蕃薯、南瓜，粉浆唔会好厚，又炸得好干身，食落唔会成口油，净系点d盐就已经好好食la⭐️上汤扬豆腐个皮好薄，豆腐好嫩，个汁好食，再配埋木鱼花，好夹⭐️蟹肉忌廉佢个摆盘好靓，连d吉列汁同沙律酱都可以配搭黎
同朋友去开湾仔，就睇下附近有咩好食，穿过利东街，见合和中心好似有好多选择，就入去行个圈，最后比佢门面吸引左，就拣左佢”一游”，门面同入面嘅装饰都有一种传统嘅感觉，好似去左古代嘅日本咁，好有feel
⭐️神龙纯米大吟酿
见佢枱面有个卡仔介绍，有支清酒叫神龙，佢个名好勾起童年回忆，搞到我忍唔住睇下支酒嘅介绍，系纯米大吟酿，用山田锦，有果香味，啱晒唔太钟意酒味太浓嘅我，仲适合配搭唔同嘅菜式，一于试下佢
⭐️杏子鲜橙烧酎梳打
另外仲嗌左杯烧酎，少少甜甜地，杏子同橙嘅味唔会太重，cover左烧酎嘅味道，好夹
⭐️鲍鱼沙律
沙律嘅汁唔会好浓味，配搭得啱啱好，鲍鱼切片，好淋，唔会硬
⭐️刺身五点
一落台就比佢个样吸引左，摆得好靓😍，刺身有大吞拿鱼腩、牡丹虾、赤贝、带子、油甘鱼，仲有d颜色鲜艳嘅海藻做装饰，真系又好睇，又好食
⭐️十贯寿司
d寿司全部都好新鲜，要重点讲下个海胆，好鲜甜
⭐️野菜天妇罗盛合
跟埋天妇罗汁同盐，食得出有青椒仔、茄子、蕃薯、南瓜，粉浆唔会好厚，又炸得好干身，食落唔会成口油，净系点d盐就已经好好食la
⭐️上汤扬豆腐
个皮好薄，豆腐好嫩，个汁好食，再配埋木鱼花，好夹
⭐️蟹肉忌廉
佢个摆盘好靓，连d吉列汁同沙律酱都可以配搭黎画碟，卖相100分，新鲜热辣炸出黎，cut开一半摊冻食，入面有一丝丝蟹柳，d忌廉好味🤤
⭐️厚烧玉子
热辣辣，少少甜甜地，正
⭐️豚肉豆腐锅
豚肉、豆腐、菜嘅比例啱啱好，个汤好香，好好饮
⭐️串烧：
⭐️免治鸡肉酿青椒：一落枱果下，就觉得好有煎酿三宝嘅感觉，好少喺日式串烧见到，仲跟埋只鹌𪂹蛋，可能跟埋一齐食，几特别嘅配搭
⭐️牛肉车厘茄串：牛肉烧完唔老，车厘茄又多汁，好食
⭐️鸡亦：系单骨鸡亦黎嫁，食落好方便
翠玉瓜：虽然佢本身普通d，但系同淋左喺面嘅汁同木鱼花一齐食，又系另一种感觉
⭐️生姜豚肉石锅饭
li个好有惊喜，因为本身好钟意食饭焦，可能因为相机食先嘅关系，估唔到冇盖焗住，都可以有一层好完整嘅饭焦🤤，饭嘅调味啱啱好，又可以一次食到两个唔同口感嘅饭粒，超正
张贴
