中華小館

营业中

休息中

今次同屋企去湾仔食晚餐，粤菜嚟讲真系唔错。前菜有青瓜同木耳，清爽开胃。我哋先叫咗蜜汁厚切叉烧皇，个样好吸引，食落果然冇令人失望。叉烧肥瘦分布均匀，脂肪入口即溶。加埋蜜汁，每一啖都系享受，令人回味无穷。再嚟系香芒大虾球，虾球大大粒，搭配芦笋同青瓜，口感好好，清新又唔腻。蒜蓉炒豆苗，翠绿又爽口，健康又好食，适合老人家。杂菌炆伊面，伊面吸收哂所有精华，食落去杂菌味香气四溢。甜品有红豆沙汤丸，餐厅用咗我至爱嘅芝麻汤圆，红豆沙亦有好重陈皮味，仲加咗白果，诚意十足，我哋食到好满意。仲有木糖醇水蜜桃，清甜可口，食完令人好满足，适合收尾。