名門私房菜

营业中

休息中

好耐冇食过私房菜，经朋友介绍去品尝湾仔一间好高质嘅顺德私房菜餐厅。知道佢哋有一道叫陈皮酱碌鸭招牌菜， 需要早一日预订制作。食落估唔到真系几有惊喜，呢道菜主要配上独特嘅陈皮酱，因为鸭肉需要将特制酱汁不停在镬上翻滚"碌煮"， 令到佢加入味，完全没有骚味之余，鸭肉滑嫩多汁，每一口都非常惹味，令人回味无穷。 姜葱焗大虾配煎饼脆米粉，系一道经典嘅顺德小吃，可以话系必试嘅菜式。大虾新鲜弹牙，同姜葱嘅香气完美结合，每一口都带来满满嘅海鲜风味。 煎饼脆米粉系一道经典嘅顺德小吃，绝对值得一试，脆米粉口感酥脆香口。鲍汁扣鹅掌系一道经典而制作精致嘅菜式，鹅掌鲜嫩多汁，配上鲍汁炖煮，滋味丰富浓郁，肉质淋滑，入口即化。 金银蒜子蛋苋菜: 蒜子蛋炒得香口，蛋香浓郁，配上鲜嫩嘅苋菜，口感丰富，营养丰富又开胃。 最后系XO酱炒饭。饭粒松散，炒得香口，加入香辣嘅XO酱，再配上腊肠、虾仁、冬菇、瑶柱、蛋等等嘅材料， 炒得干身之余，又带出丰富既味道，令人胃口大开。