湘蜀人家

营业中

休息中

一向都钟意食麻辣嘢，特别系湘菜、川菜。今次朋友带我嚟湾仔呢间湘蜀人家食dinner，又发掘到一间好餐厅。餐牌选择非常多，仲有套餐提供，见价钱唔错，决定点个二人餐试吓。先来凉拌小菜两碟，有夫妻肺片，凉拌兔耳尖，非常入味。仲有每人一壶炖汤，而不是普通例汤，料头非常足。主菜我哋选咗水煮鱼，汤汁麻辣之余唔会太油腻，用嚟捞饭一流。鱼肉滑溜，一啲都雪味或腥味，底下嘅芽菜同宽粉都好多，非常yummy!另外选择咗土匪猪肝，卖相好掂，猪肝炒得刚好，又唔会太鞋口。泡椒爆牛肉：牛肉一样唔鞋口，够晒入味！另外自己加左大盘豆角，份量都几多。