MAZ Thai & BBQ (已結業)

唔洗去泰国，都食到咁正宗既泰菜，环境又靓，食过湾仔几间泰菜餐厅，觉得呢间最有质素，所以一定要开post讲下今次食过既菜式：木瓜沙律木瓜丝捞埋萝卜丝好爽脆，配埋香辣酸甜既味道，完全刺激味觉，好开胃，仲有花生碎同腰果都丰富左口感。自家制辣酒蒜蓉虾与其话辣，我觉得鲜味更为突出，同埋超级香喷喷既蒜蓉，连虾壳都系劲入味，taste到少少伏特加味。金边粉一碟粉有齐甜、酸、咸、辣味共冶一炉，食果时加DD鲜榨青柠汁仲有泰式地道风味。一啖入口最先食到系浓浓既甜味，之后就食到酸味，然后系鱼露散发出既咸鲜，最后先系香料既辛辣。菠萝炒饭有别于平时用菠萝壳装住炒饭既造型，但望落一样令人心花怒放，色彩缤纷，味道酸甜超级醒胃，丰富既配料同清爽既口感几乎无人唔钟意食。