影片
更多
2024-06-15
44 浏览
朋友生日食过，介绍呢间omakase 话够抵食，今日终于抽到机会嚟试试。今次试咗$688 Set餐 包括咗14 道寿司，食开Omakase都知道晚餐价钱一向人头都要过千，呢度个人都系$800有找，以而家嘅香港物价嚟讲真系非常抵！值得一试前菜🤍沢蟹系迷你嘅蟹仔，炸到十分香脆，入口连壳食口感几特别✅寿司🤍真鲷肉质软滑，口感不错。深海池鱼油香突出，鱼肉甘香。地金目鲷 餐厅选用时令食材，当造嘢果然系最好食，师傅将鱼皮火炙处理，烧至微焦脆，食落好香口，令层次更丰富。北海道凡立贝 师傅选用的食材十分新鲜，配上黑胡椒和柚子汁点缀一齐食更加画龙点睛💫春子鲷春子鲷鱼肉质滑嫩甘香，油脂比金目鲷更丰富啲，师傅用上十字切法令鱼味更突出，配上紫苏花一齐食，味道更清新。间八口感韧中带少少脆感，几特别。 脂肪量比同类𫚕鱼较少，肥而不腻。中拖罗为鱼腩中后部位，颜色粉红油分恰到好处而无筋，入口即融，鱼味十分浓厚，系我一向食omakase嘅最爱。北寄贝味道甘甜，肉质肥美， 口感极佳。梭子鱼呢个鱼系春秋为时令季节嘅鱼，鱼皮充满油脂，师傅巧妙地用嚟炙烧，烧出油脂令鱼味十分浓厚。神奈川真池鱼 肉质鲜嫩肥美、脂厚油香、口感鲜甜爽
朋友生日食过，介绍呢间omakase 话够抵食，今日终于抽到机会嚟试试。
今次试咗$688 Set餐 包括咗14 道寿司，食开Omakase都知道晚餐价钱一向人头都要过千，呢度个人都系$800有找，以而家嘅香港物价嚟讲真系非常抵！值得一试
前菜🤍
沢蟹系迷你嘅蟹仔，炸到十分香脆，入口连壳食口感几特别✅
寿司🤍
真鲷
肉质软滑，口感不错。
深海池鱼
油香突出，鱼肉甘香。
地金目鲷
餐厅选用时令食材，当造嘢果然系最好食，师傅将鱼皮火炙处理，烧至微焦脆，食落好香口，令层次更丰富。
北海道凡立贝
师傅选用的食材十分新鲜，配上黑胡椒和柚子汁点缀一齐食更加画龙点睛💫
春子鲷
春子鲷鱼肉质滑嫩甘香，油脂比金目鲷更丰富啲，师傅用上十字切法令鱼味更突出，配上紫苏花一齐食，味道更清新。
间八
口感韧中带少少脆感，几特别。 脂肪量比同类𫚕鱼较少，肥而不腻。
中拖罗
为鱼腩中后部位，颜色粉红油分恰到好处而无筋，入口即融，鱼味十分浓厚，系我一向食omakase嘅最爱。
北寄贝
味道甘甜，肉质肥美， 口感极佳。
梭子鱼
呢个鱼系春秋为时令季节嘅鱼，鱼皮充满油脂，师傅巧妙地用嚟炙烧，烧出油脂令鱼味十分浓厚。
神奈川真池鱼
肉质鲜嫩肥美、脂厚油香、口感鲜甜爽脆，鲜味、脂香相成嘅夏日时令鱼。配上姜葱沫和海带沫一齐食，味道和层次更多。
甜虾
师傅巧妙地将虾炸过后嘅虾油连虾杍点缀于甜虾上，食落每啖都非常香，几有趣嘅配搭。
北海道紫海胆
人气当造嘅夏季海胆，入口清甜，有奶油味香气，口感细腻幼滑，十分甜👍😋
脑天
脑天即吞拿鱼头顶嘅肉，一条吞拿鱼只得2片，口感软滑，筋少而脂肪多，鱼味极浓，师傅特别烧过油香突出，好正！
右口鱼边
经烧过肉质非常滑，不过肉较结实，鱼油非常丰富，入口甘香。
虾油面
作为呢餐饭嘅小总结，用了虾油放于面上，同清香嘅鲣鱼汤底都几夹。
柚子雪葩
清香，对我嚟讲稍微有点太甜，可以浅尝。
以呢个价位嚟讲都十分够食，鱼嘅食材够新鲜，如果能有更多创意处理方式或罕见食材就完美啦！anyway 晚市做到抵食已经十分好！
张贴
