Bifteck (已結業)

湾仔QRE成幢都食过好多间，呢排睇到有间试业紧既steak house- Bifteck。工业风装修几有气氛，侍应态度都好好礼貌，每碟上菜时仲会细心讲解餐包平时多数配牛油，但今次配味噌酱又真系第一次试。昆布腌蕃茄及水牛芝士打卡一流，水牛芝士好似剥壳鸡蛋咁滑身，芝士味好清爽。火炙 A5 和牛油花丰富，口感软腍，配埋西班牙红虾卷伴龙虾啫喱都几有创意。和牛蘑菇清汤菌香超浓，但个汤又好清，牛舌三星葱卷都系用左靓牛，咬落好嫩。以为呢度得牛食，原来都有海鲜main dish，西班牙红虾乌冬有只超巨型大虾，虾味劲浓，配埋乌冬仲可以索哂d汁。日本萝卜蟹肉菠菜汤似平时西式忌廉汤，但就再稠身多d，饮完成个人都暖哂。澳洲纯种和牛腰肉烧到好有焦香，个酱酸酸地好醒神，不过有少部分位就有d筋，会有少少难咬。烤菠萝伴山葵雪葩真系有好raw既wasabi味，开头第一下觉得怪怪地，但食落又觉得几得意，好少食到辣味既雪糕 XD焙茶提拉米苏入口细腻，层次分明，整体唔太甜。