K-Pop snack (已結業)

阿妹喺火炭番工，话成日同同事嚟呢度食LUNCH，抵食又好味。讲左几次，我终于揾到个星期六同佢一齐去试。四款无限添加嘅前菜无骨甜辣炸鸡拼年糕 $139正常份量，炸鸡唔脆，但有肉汁；虽然叫甜辣，但斋甜唔辣；年糕炸过再捞酱，外层有少少焦硬，内层烟韧，我妹最中意食佢。海鲜葱花饼 $90煎饼卖相几靓，而且好厚、外圈煎到脆口、急冻海鲜以鱿鱼为主，份量几多。不过对于经常煮韩食嘅我嚟讲，呢个饼一般😅。急冻海鲜无海鲜味、葱无煎出香气、虽然好厚好靓，但粉感重。牛肋骨锅(细) $120牛肋骨有4件，大细不一；牛肉好易齿开，酱汁好甜(糖嘅甜)，食多几啖更会觉得咸，送饭杀手😏 另有白萝卜、甘笋。海鲜炸酱面 $127海鲜有鱿鱼、大虾、蚬仔、青口，都系急冻野，所以称唔上鲜。春酱本身有肉碎、同洋葱，配料仲有椰菜丝、青瓜丝、甘笋丝、洋葱丝。无论海鲜定配料都好丰富，不过略嫌面条有D碎湿湿。呢个一定要同人Share，除左因为大份之外，重点系好油，好快滞。原来星期六日有加一，餐牌价钱亦会唔同，另外可以食完先去埋单，有别于平日先埋单后食嘅做法。最后，埋单果阵记得check单，因为当日炸鸡同炸酱面各收多我$25🙉，好彩自己有计单