好佰佰

营业中

休息中

今日和朋友去咗火炭买床品，不经不觉行到下午1点钟，知道骏洋邨巴士总站有巴士出返尖沙咀，就行上去揾食，食饱先搭巴士出尖沙咀，骏洋邨商场店舖不多，但食店就有4-5间，我地选择咗商场一楼嘅呢间好佰佰，店内都几大但人很多，见两个吉位即刻坐低叫嘢食，朋友叫咗个午餐，黑椒汁牛排肠仔蛋饭加冻柠茶。我就叫咗餐厅精选菜式，梅菜扣肉叉烧饭加热即磨咖啡，好搞笑精选仲平过午餐，啲定价真奇怪。朋友话佢个饭都几好食，我个饭甜梅菜，腩肉淋，叉烧就合格，价钱系合理。