K-Pop snack (已結業)

估唔到火炭都可以揾到久违嘅正宗韩国菜，餐厅装修虽然有啲简陋，但系餐厅所有店员都系韩国人，真系令人觉得好似去咗韩国食韩国餐一样，今日叫咗一个小食拼盘，拼盘入边系有三样嘢食，第一个系韩式紫菜卷，第二个系辣炒年糕，第三个系紫菜粉丝卷，睇落份量唔算好大，但都够我一个人食，味道都唔错，下次会再嚟试吓石头锅饭。小食拼盘韩式紫菜卷有正宗紫菜卷风味，适中嘅麻油令到紫菜卷格外香味可口，配料亦多令到紫菜卷都好丰满辣炒年糕唔算太辣，可能有啲就返香港人嘅味道，年糕烟烟韧韧嘅感觉，令到人想食完一条又一条紫菜粉丝卷比较一般，如果可以换另外一款食物就好啦