友飯食 (已結業)

今日经过火炭区做嘢，感恩顺利地提早做晒啲嘢，一于食个奖励吓自己😆行过见到呢一间 「友饭食」 写住下午茶都有做折扣，咁就想去帮衬吓先！ 第一次嚟到，见到个环境都好大好企理好舒服，唔似一般茶记咁，第一印象已经好好👍我哋两个人叫咗两份茶餐，吉列猪扒拼沙律，西多士跟冻柠茶。 好大份㖞！ 🌟吉列猪扒拼杂果沙律个吉列猪扒好大份，炸得好脆，完全唔会太厚粉，沙津系我儿时最钟意食𠮶啲杂果沙律，满满嘅回忆出晒嚟，猪扒配埋沙律酱，完美满分嘅配搭👍🌟西多士跟冻柠茶呢个系香港人解压3点3，必备嘅item。 个西多士好大份，大过我手掌，上面配埋一嚿牛油再加埋糖浆，正！ 你再配埋冻柠茶，好香柠檬味😆整体嚟讲呢间餐厅嘅质素都唔错，全部都好正常发挥，最有惊喜嘅系份量好大，价钱又有折扣！ 抵食👍