相馬日式火鍋 (已結業)

嚟开呢头谂唔到食乜，相马日式火锅都系个好嘅选择，一个价钱除咗打边炉，仲有啲烧烤熟食可以叫。重点同一般嘅火锅任食熟食自助唔同，呢到熟食系用纸落单，保证系热辣辣新鲜！火锅：拣咗个免费选择中嘅泡菜汤，个人觉得有少少偏酸，加上泡菜系一大嚿咁上，如果可以拆细嚿会容易啲分～相马嘅牛肉系主要嘅卖点之一，统一嚟自美国有质素保证嘅来源，特选牛肩胛同普通牛肉嘅外貌上主要系油花分布，不过食落其实唔太大唔同，同样都系牛味香！烧烤：翠肉瓜同菠萝必食！调味唔算好浓，保留到食材原味～重口味嘅人可能要自己加少少调味。