影片
更多
2024-10-28
150 浏览
自从发现咗呢间有惊喜嘅工厦餐厅，虽然未至于特登走嚟食，不过，今次嚟到火炭忍唔住又上咗嚟。😂上到嚟见到墙上面𠮶餐牌转咗，心谂通常见到新餐牌即系加咗价，点知细心啲睇原来系加咗新嘅菜式，最惊喜就系竟然有啲嘢系减咗价！👍🏼👍🏼好好人𠮶个姐姐话佢哋有新嘢，仲介绍我食烧鸡，我惊食唔哂，同埋讲真我惊啲鸡唔好食，特别系鸡胸，老细都话佢哋啲烧鸡正，外脆内嫩，都系等下次同埋friend 一齐嚟先试。😊最后我点咗黑松露带子虾仁杂菌卡邦尼意粉。卡邦尼意粉系其中一样我经常食嘅嘢，不过好多时因为太多芝士所以好滞食唔晒，加上今日好晏先食早餐，谂住一定唔会食得哂。今日呢碟送到上嚟完全超出我想像。见唔到平时意粉面铺满嘅芝士，望落去几干身，食咗一啖，发觉连口感都唔同。呢碟意粉份量非常足够，但系我竟然全部清晒，只系剩返几只虾尾壳🤣🤣。今日呢个黑松露带子虾仁杂菌卡邦尼意粉，食材新鲜，𠮶三只带子同三只虾都唔系细细只𠮶啲，其实系鲜虾唔系虾仁！😋😋意粉有Al Dante feel，少少烟靭𠮶种口感。我个人好钟意食西芹，但系好怕西芹外面𠮶啲「根」，今日呢碟意粉有好多西芹仲要系非常嫩，唔会有渣。真心讲我觉得呢间餐厅啲员工，真系有用个心
上到嚟见到墙上面𠮶餐牌转咗，心谂通常见到新餐牌即系加咗价，点知细心啲睇原来系加咗新嘅菜式，最惊喜就系竟然有啲嘢系减咗价！👍🏼👍🏼
好好人𠮶个姐姐话佢哋有新嘢，仲介绍我食烧鸡，我惊食唔哂，同埋讲真我惊啲鸡唔好食，特别系鸡胸，老细都话佢哋啲烧鸡正，外脆内嫩，都系等下次同埋friend 一齐嚟先试。😊最后我点咗黑松露带子虾仁杂菌卡邦尼意粉。
黑松露带子虾仁杂菌卡邦尼意粉
$78
21 浏览
0 赞好
0 留言
卡邦尼意粉系其中一样我经常食嘅嘢，不过好多时因为太多芝士所以好滞食唔晒，加上今日好晏先食早餐，谂住一定唔会食得哂。今日呢碟送到上嚟完全超出我想像。见唔到平时意粉面铺满嘅芝士，望落去几干身，食咗一啖，发觉连口感都唔同。呢碟意粉份量非常足够，但系我竟然全部清晒，只系剩返几只虾尾壳🤣🤣。
今日呢个黑松露带子虾仁杂菌卡邦尼意粉，食材新鲜，𠮶三只带子同三只虾都唔系细细只𠮶啲，其实系鲜虾唔系虾仁！😋😋意粉有Al Dante feel，少少烟靭𠮶种口感。我个人好钟意食西芹，但系好怕西芹外面𠮶啲「根」，今日呢碟意粉有好多西芹仲要系非常嫩，唔会有渣。真心讲我觉得呢间餐厅啲员工，真系有用个心嚟做嘢！👍🏼👍🏼😘😘不过如果你唔钟意西芹，我估可以同佢哋讲少西芹。😊
今日呢餐有汤有热饮，碟意粉仲好大碟，新价钱$78冇加一，相当抵食。👍🏼👍🏼😋😋😋
P.S. 等紧碟意粉𠮶阵，见到墙上面有写住香港制造、香港口味嘅曲奇饼介绍，仲话有不同口味，我怕肥，唔系好敢食，😅😅佢哋话系用进口牛油做，结果我都帮衬咗。😊我试咗原味、芝麻同伯爵茶口味，我钟意佢哋啲曲奇唔会「油淋淋」，唔会整到只手污糟晒！又冇一阵好浓嘅牛油酥味，而且唔会太甜。蝴蝶酥细细块，都系唔太甜。😊
呢度啲曲奇口感松得嚟唔会一咬就成块饼碎晒，唔太油又唔太甜，我个人觉得系较为健康嘅曲奇，实净嘅独立包装，仲要每块包装上面都有到期日，包装细细pack，唔使监自己自己买一大罐食好多。🤣 超贴心！🫶🫶👍🏼👍🏼
张贴
