滿小館

营业中

休息中

‘’去满小馆必食火焰古法烧腩叉🐖 和怀旧虾多士🧇‘’，好多身体朋友都系咁同我讲，究竟系真系假😂？好简单，等我今日带老婆去，就知道系真系假啦😆。满小馆 系一间新派精致中菜馆，占地面积大，座位阔落，店员勤快，第一印象已经非常良好😍。火焰古法烧腩叉 $168腩叉十分巨型🫢，放在炉架上再送上枱，店员随即点火🔥，火焰从盘底鼠出来，视觉效果一流😍，一定要准备手机打卡📸。厚切腩叉足足有一厘米阔，面层铺有肉松混入柚子蜜汁🥰，味道香甜，肉身肥瘦相间，肉香及油脂香味并存，肉质结实，口感软腍，特别又好食😋。怀旧虾多士 $58/件多士🧇炸得十分香脆干身，面层铺上满满的虾胶，虾胶幼滑弹牙仲有粒粒虾肉🦐，鲜味多汁，老婆都话食完一件好想再食多件😍。怀旧中式牛柳 $168牛柳🐂大大件，口感软腍嫩滑，酱汁酸酸甜甜，配埋清甜爽脆的洋葱丝，送饭一流😋。大虾上汤伊面 $188大虾有6️⃣只，质感嫩滑弹牙，伊面🍜吸收咗上汤后，味道鲜香，更加好味😋。怀旧炸大肠 $98大肠炸得十分干身香口，配搭底层清甜的菠萝🍍一齐食，既解腻又醒胃😋。总括而言，除咗2️⃣款名物外，其他菜式都有高水准，难怪有咁多人都话好食。