米走雞Deluxe (已搬遷) 新店位置

之前都有去过观塘分店，食过都觉得好正，今次同朋友去铜锣湾分店，呢度嘅座位真系舒服啲。🍴火焰鸡煲 $198我哋嗌咗细份嘅同BB辣，职员会帮我哋捞匀佢，仲可以睇到喷火表演🤣，鸡煲非常惹味，个辣酱甜甜地得来又有麻辣嘅香味同辣感，啲鸡肉都好大件同埋好嫩滑，果然冇失望！🍴蟹籽墨鱼滑 $98佢嘅份量都几多，墨鱼滑非常弹牙，食得出系真材实料，加埋蟹子，烟靭中又有蟹籽爆开嘅感觉，几正。🍴牛柏叶 $43打边炉必食，好爽脆，大大啖食好满足。🍴鲜炸响铃 半份 $32冇谂过佢嘅炸响铃系咁巨型，加埋鸡煲嘅味道，成个汤汁好好食。🍴红薯粉 $22挂汤食一流，有口感！