胡爐 (已結業)

今次嚟到胡炉就系要食佢地出名嘅火炎汤底，仲要叫佢招牌嘅椰子鸡锅。职员先将鸡件、椰子肉生炒，再用烈酒点燃火炎，之后加入一整个椰青水同埋鸡汤。煲滚之后梗系饮返两碗先开始打边炉喇，鸡汤浓味，但一啲油都冇，仲有浸浸椰香味。由于有订位优惠，每两人送一野青龙虾，肉类叫咗胡炉牛拼盘，同埋伊比利亚黑毛猪，拼盘有牛舌芯、牛胸爽、牛柳粒、安格斯肥牛、极上牛颈脊。饺子、丸类都系新鲜货。仲有个紫菜响铃，食完真系饱到上心口。