酒鍋 (V Point) (已結業)

今日开会开到成7点几，原本应该6点几就走得，所以老细都识做请我地去打边炉，佢话之前黎过酒窝食几好食就带左我地黎食。一坐低原来系望到维港，个环境一流，不过我地都饿到飞起，唔理三七二十一就叫野食，四个人都想食唔同锅底，最后就叫左个酒火入魔，有5个味，又有虾同龙虾食先$328，劲抵。打得边炉就紧系要叫小食食住先，叫左个黄金鱼皮，其他野未到已经比我地清哂，好松脆。之后主食就黎左当中紧系有手切肥牛同埋黑毛猪豚肉，其他仲有黑松露虾蟹饺，洋葱猪肉虾蛋饺，即炸手工紫菜响铃卷同埋三色鲜制生面，埋单先一千蚊左右，抵食到爆。