飯廳 (已結業)

前几天路经此餐厅！觉得装潢设计还谈得上舒服，结果入去试试！点知食到火都黎埋！入到店里，完全冇人招呼！当D客系透明。算！你系茶记形式！我自己揾位！我同我朋友决定好食咩！叫侍应落单！点知佢地挂住倾计，唔讲都唔知请佢地返黎系做侍应定开紧talk show!我地准备好落单，举左手左一段时间终于有人发现到我地嘅存在，系一位肥肥地着白色恤衫好似经理嘅男人帮我地落单，我好清晰咁叫左个咖哩猪扒饭！一杯冻柠水！结果出到黎变左冻柠茶！我再揾返𠮶个男经理同佢讲我系要冻柠水唔系冻柠茶！但系我唔知系未因为打断左佢同人倾计！所以佢态度极之唔耐烦咁讲：得啦得啦，要咪换比你啰！我心谂，你自己听错落错单好似我做错野咁啰！好啦，换返岩嘅比我，结果𠮶个男经理好大力咁放落张枱到！我只可以同自己讲茶记唔着重服务啰。咁我见到个咖喱猪扒饭等左15分钟！我朋友个饭都就食完都未见我个咖哩猪！我想睇下个饭得未，所以揾左另一个粉红色衫嘅女人问下，点知收到嘅回覆竟然系：系要等嫁啦！落单咪有人同你讲左啰！哇，我真系好想问下佢连基本尊重都唔识，点出黎做服务业？。总结：食物味道咁嘅价钱可以接受！但连经理嘅服务态度都咁好，我真系饿死都唔会再帮衬