敍亨軒海鮮火鍋

营业中

休息中

今晚我们去咗喺尖沙咀嘅「敍亨轩海鲜火锅」打边炉！我们叫咗特大海胆刺身、象拔蚌刺身、手切雪花牛肉、加拿大桶蚝、花胶、嘉美鸡子、避风塘炸鱼皮、避风塘茶树菇同甜品心太软拼雪糕！特大海胆刺身真系超新鲜，味道非常鲜甜，夹埋青瓜一齐嚟食，感觉好清新！系本人嘅必食推介！象拔蚌刺身亦都系超新鲜，非常爽口弹牙，鲜味十足！手切雪花牛肉嘅色泽好红润，脂肪嘅分布相当平均，入口即溶同肉味非常浓郁！加拿大桶蚝好大只，味道超鲜甜，非常creamy！避风塘炸鱼皮同避风塘茶树菇系即叫即做，上碟嚟食𠮶阵系热辣辣！炸鱼皮炸得非常香脆！茶树菇嘅味道都几香甜同口感好特别！最后系心太软拼雪糕！心太软外面嘅蛋糕非常松软，切开入面留出香浓软滑嘅朱古力溶，真系非常好味！最紧要嘅系唔会太甜！好过外面好多间甜品店好多！系本人超极力推介！