常滿百家菜

营业中

休息中

任食火锅和任饮点心，点样拣？小朋友才做选择，呢度可以二者兼得，平日$158晚市任饮任食，性价比甚高。其实都系要拣，单是火锅汤底超过10款，仲可以拣鸡煲添，火锅料好似唔系好多选择，但其实除了剔张纸外，还有大量蔬菜和配料可自取。质素方面都唔错，够新鲜。我最爱鱼头、本地滑牛和手打双丸。点心更是惊喜。常满虾饺皇果然名不虚传，皮薄烟韧，一粒虾饺有两只弹牙虾仁。另外萝卜丝酥饼又系必吃。估唔到火锅点的点心比出面的点心专门店更高质。任食的不单只有火锅和点心，还有其它炸物和前菜，例如串烧、药膳鸡脚、咖哩猪皮等。饮品又系花多眼乱，除了一般汽水果汁外，啤酒和支装维他奶都有，还有滋润凉茶呢。唯一拣唔落的是雪糕，不知名牌子唔想拣，而且我已经好饱了。