胡爐 (已結業)

近排经常去百乐中心，只因层层都有好野食，今期就轮到胡炉。店子细细抽风系统唔错，坐成晚唔觉有油烟十分干净，而且位置有屏风分隔，充足私人空间，环境舒适，烚得畅快肚子满足。胡椒猪肚花胶鸡锅 $288汤底暖胃好饮，味道唔会好浓，胡椒味刚好，可以多饮几啖。汤料好多鸡件、猪肚、花胶，仲有酸菜和枝竹，汤料十足。招牌炸鱼皮 $68薄薄的鱼皮似足薯片，撒了椒盐非常香脆惹味。广岛蚝 $88味道鲜甜一点都唔鯹，蚝身唔算大粒，未够满足，下次我就会拣桶蚝喇～香菇韮黄带子饺(半份) $58饺子大粒好有口感，韮黄味道突出，非常香口好食。黑松露蟹肉饺(半份) $68饺皮薄馅料十足，塞满鲜菇粒口感唔错，蟹肉就唔多觉，但松露味道浓郁，好食到呢！杂菌拼盘 $78四款菇类放得满满，叫来食下都唔错。自家制炸响铃 $68炸响铃六大条，本身脆卜卜但浸一秒汤迅速淋晒。索汁力极强，而且食完相当饱肚。竹庶茅根水 $68一扎够晒饮，味道清甜清热解渴，打边炉必饮之选。