鍋匠中日火鍋專門店 (已結業)

今晚同8个朋友仔去打边炉食鸡煲放题，所以一早打电话预先book定位。不得不赞经理服务态度好好，本身book左7点半，未齐人都可以入去座先。本身限时两个钟，但都俾我地延迟计入座时间（可能平日卦😂）。锅匠好容易揾到，距离地铁站几分钟，楼下有块大招牌，又有电梯直到，好方便👍🏻一入到去，环境几日式feel，感觉都干净企理。坐底之后，员工就拎左一盘酱料俾我地调味。酱料方面，都系大路既野，例如葱，蒜，麻油等等。我地选择了花胶鸡汤锅，同重庆鸡煲锅。重庆鸡煲锅有好多鸡够我地分黎食😋我地叫左小辣，口味偏重，食到个嘴有麻既感觉。花胶鸡汤锅都几好，清清地，岩我地唔辣得既人。本身平均每人$158，我地加$38(位)升级火锅放题优惠，可以点选美国S.R.F.和牛及羊卷肉。呢个升级一定要加，牛牛好好味，口感不错。其他打边炉材料，就可以到隔离柜自己拎。选择唔多，但基本既都有齐，例如丸类，蔬菜类等等。另外，佢有甜品柜，因为太饱所以就冇试到糕点。有食到糯米糍同雪糕，味道偏甜，不太推介。总括而言，锅匠系一个平价任食火锅既选择，整体黎讲我都好满意。