火鍋撚 (日富里百好大廈) (已結業)

环境5分：高级台式火锅店格局，地方大，中国风装修有屏风同灯笼，位同位之间唔会太迫，前半部全部系长形卡位，可以坐2至6人，后面就有卡位同大枱， 畀大围人一齐打边炉，唔嘈，可以畀五分。卫生4分：枱面有煮食餐具同纸巾，一大盘豉油酱料都好干净，可以畀四分。服务5分：侍应生非常好人，落单上菜都好快，一路食一路会加汤，快手快脚唔啰唆，又好笑容，态度好好畀满分。味道5分：1) 香蒜粒炸鱼皮，呢碟嘢唔系出面食得到，好明显厨房即叫即炸，用香蒜粒炒过D鱼皮，一上枱热辣辣，就咁食又嘢味，点汤食都好食。2) 黄金鸡皮呢个都系出面未见过嘅，细细粒鸡皮用咸蛋处理过，炸到好似薯片咁香脆，一Ｄ都唔油，送啤酒真系好正。3) 妈妈滋补老火汤锅入面有鸡肉，瘦肉，猴头菇，红萝卜，粟米，海底椰，红枣，超多样嘅材料嚟煲，未落食材之前已经饮左两碗靓汤，然后叫伙记加汤先开始打边炉，绝对真材实料好够味。4) 加22蚊就可以有五块大大块嘅鸭血，冇骚味，食落软软淋淋仲好滑。5)  个巧手韭菜饺应该系自己包嘅，个皮又薄又软滑，个韭菜馅好香好嘢味。6)  新鲜紫淮山，因为未见过紫色嘅淮山所以叫嚟食下，煮一阵食落口就感觉好多纤维，应该系非常健康