火鍋本色 (已結業)

去 SOGO shopping完，天气热辣辣，亚仔居然话想食火锅，咁就满足下佢，去咗铜锣湾L Square嘅火锅本色。我哋一行六人，坐张大枱，二话不说，就叫个六人餐先啦。哇，个餐嘅食物种类真系多不胜数，几乎一般嘅火锅材料都包含了，而且仲有两樽竹蔗水或酸梅汤添。食物种类实在繁多，一般嘅水饺云吞，肉丸蔬菜盘，不在话下，真系要提一提佢哋海鲜拼盘，同埋手打牛肉。  海鲜拼盘一上枱嘅时候，我眼睛就俾佢吸引住，D虾脚正在不断嘅摆动，鲍鱼也在抖动，见到食物咁新鲜，真系想立即将佢哋K.O.。另外，圣子也很弹牙，蚬大只，蟹又有大肥膏。食火锅，食牛肉就例牌㗎啦，佢嘅手切牛肉好讲究，特别新鲜，有牛味，渌到啱啱熟，入口就溶化。高质素嘅牛肉，贵啲都值得。除咗呢两份主角，其他嘅蔬菜拼盘新鲜，肉丸超级弹牙，响铃脆卜卜，以每人平均三、四百蚊黎讲，最后配上雪糕糯米糍，好满足超值的一晚。