大滾友火鍋

营业中

休息中

大滚友我都食过不下五六次🙌🏻 食物、环境、服务俱佳，每次试下唔同汤底，真系每次都大满足而归😋今次试嘅汤底系招牌嘅花胶鸡汤🥘 花胶非常厚身，份量仲好多！鸡肉滑溜肥美，鲜味又够嫩，汤底鸡味好出！紧接住当然必食牛肉拼盘啦，一次试齐牛嘅不同部位！有牛舌、牛小排、牛肩脊、肥牛、黄喉、牛柳粒，肥瘦适中，肉质唔错，油脂香味四溢✨伊比利亚橡果猪肉质够细，香味浓郁👍🏻 手打鹅肝墨汁墨鱼丸比较创新，内有干坤。咬开食到鹅肝香味，外层弹牙，味道特别。打边炉唔可以无响铃！呢set拼盘就食到原味同咸蛋黄香两款，脆卜卜又挂汤，咸蛋黄裹住响铃，再索埋鸡汤精华，精彩啊！杂菜拼盘有多款蔬菜、粟米、菇菌、木耳同蕃茄，新鲜爽脆，清一清肉食嘅饱滞。单点嘅百页豆腐好嗦汤，芋头又香，煮熟嘅芋蓉够细软。