半島漁港/阿翁火鍋館

营业中

休息中

开左咁耐都未食过佢哋既火锅放题，就谂住去试下。之前饮茶已经见识过佢哋「良好」既服务态度，估唔到今次更加离谱。未入去已经冇服务可言，打电话去问价，接线𠮶位都唔清楚自己铺有乜嘢，问佢有冇汽水，第一次打去话有，第二次打去话冇，结果去到又有。入到去侍应放低啲酱油配料，冇讲解过系乜嘢就冇啦啦走左去。到上菜既时候，张台唔够位放，我地就问黑衫女经理有冇小茶几可以放，佢话佢哋冇小茶几，点知𠮶蓝衫经理好好人即刻搬左一张小茶几放系我地隔离。𠮶位黑衫花边恤衫女经理唔做嘢都不单止，仲要一拧转头就话：「未食就叫咁多野！」关你事咩，真系俾钱食嘢仲要受佢气，明明系去食生日饭，但系水未滚𠮶人就已经好火滚。跟住问佢地边碟肉系猪肉定羊肉，居然可以三个人黎睇都答唔出。虽然蓝衫经理同部分侍应都几好人，但系俾钱买难受，加上食物质素普通，款式选择少，坊间有大把好过佢既选择，就算系屋企楼下，呢间野都系不可一不可再。唯一可取之处系佢系秀茂坪唯一一间火锅放题，加上晚市全场大约得四分之一既台有客，上菜速度算快。