相馬日式火鍋 (已結業)

今日去开荃湾就系个头揾埋野食，经过大鸿辉见到相马日式火锅就想打下边炉，咁就食佢啦。佢有4个set比你拣，咁我同朋友就拣左美国特选牛肉，当中包埋豚肉同鸡肉，汤底就拣左猪骨汤。啲牛好大好靓，肥瘦适中，基本上渌几秒就食得，有少少红咁食最鲜嫩同最有口感。因为佢主打都系牛，所以再叫左几次黎食。豚肉同鸡肉无再叫又唔代表唔好食，两者都新鲜嫩滑，只系觉得要留翻个肚食牛同炸物所以无再叫。睇openrice见到佢有炸物好吸引，果然无令我地失望，超级好食，全部新鲜热辣辣上枱。当中必食既系鸡翼，外脆内软，肉质鲜嫩，虾同炸鸡唐扬都系唔错，过足口瘾。仲有觉得餐肉作为炸物都几特别，亦可一试，而鸡软骨如果可以再软翻d就更好。另外仲有d自助配料同甜点、雪糕，环境都几大几舒适，全部都系卡位咁济，坐得几舒服。