滾得棧 (已結業)

好耐未试过七百几个留言，我要啲时间先覆得哂PM，Meta真心好慢，setting又奇怪，啲post schedule左都要先出。今次系火锅三部曲，好耐无试过一星期打三晚边炉都有好野，要分享下，呢个post唔PM啦，好攰。听过滚得栈呢个品牌好耐，知道佢出品系几唔错，今次又系跟朋友黎威。呢到嘅本地牛颈脊真系好得，最重要系价钱唔贵，仲平过你系街市买，如果一班牛魔王过黎，啱晒。全城应该独有嘅牛眼根，你google下应该就知系呢度先特别提供，个口感好特别，加点柠檬汁，特别爽。汤底人人知花胶鸡出色，今晚特别啲食嘅系鸡煲，辣度适中，令人想队碗饭，加汤打边炉当然都适合。其他配料推荐几特别嘅鸡肠，鸭红，响铃，象拔蚌丸同限量供应嘅梅菜猪肉饺，呢几样，值得你黎好几次。