影片
更多
2017-05-09
858 浏览
去咗荃湾嘅稻八食日式火锅放题,入面装修系木为主,都几舒服.同埋挂咗唔少灯笼,几有日本feel.墙上仲有用猫做主题嘅壁画.佢哋仲有藤篮俾食客摆个人物品,又有BB櫈,切合唔同人士嘅需要.放题限时两个钟,收费方面就按牛肉等级区分,呢次试咗$238一位嘅极上安格斯牛小排放题,可以任点任食刺身同几款肉类,其他火锅料,炸物,饮品同甜品等等就晌自助区自取.自助区嘅酱料有葱花,辣椒,蒜蓉,芫茜,芥辣,酱油,芝麻酱,柚子醋,辣椒七味粉,胡椒海盐等等,前菜就有蒜味螺肉,中华沙律,杂菜,车厘茄,青瓜,枝豆,粟米粒,子姜等等.蔬菜分别有皇帝菜,生菜,旺菜,南瓜,冬瓜,番茄,木耳,翠玉瓜,萝卜,粟米,莲藕,冬菇,鸡髀菇,金菇,其他火锅料有油扬豆腐,枝竹,鱼蛋,龙虾丸,猪肉丸,墨鱼丸,牛肉丸,芝士丸,海胆丸,蟹籽丸等等.另外仲有提供比较饱肚嘅粉面饭之类.三个大雪柜入面放咗最少十几款饮品,常见嘅有可乐,七喜,亦有乌龙茶,绿茶,柑桔柠檬等等.除咗无酒精饮品之外,佢哋仲有加$20任饮Asahi啤酒嘅优惠,不过就要全台人一齐加钱,亦可以只系俾$20单买一杯.如果本身钟意杯中物嘅话,任饮的确比单买抵饮一啲嘅.呢个放满Dre
去咗荃湾嘅稻八食日式火锅放题,入面装修系木为主,都几舒服.
同埋挂咗唔少灯笼,几有日本feel.
墙上仲有用猫做主题嘅壁画.
佢哋仲有藤篮俾食客摆个人物品,又有BB櫈,切合唔同人士嘅需要.
放题限时两个钟,收费方面就按牛肉等级区分,呢次试咗$238一位嘅极上安格斯牛小排放题,可以任点任食刺身同几款肉类,其他火锅料,炸物,饮品同甜品等等就晌自助区自取.
自助区嘅酱料有葱花,辣椒,蒜蓉,芫茜,芥辣,酱油,芝麻酱,柚子醋,辣椒七味粉,胡椒海盐等等,前菜就有蒜味螺肉,中华沙律,杂菜,车厘茄,青瓜,枝豆,粟米粒,子姜等等.
蔬菜分别有皇帝菜,生菜,旺菜,南瓜,冬瓜,番茄,木耳,翠玉瓜,萝卜,粟米,莲藕,冬菇,鸡髀菇,金菇,其他火锅料有油扬豆腐,枝竹,鱼蛋,龙虾丸,猪肉丸,墨鱼丸,牛肉丸,芝士丸,海胆丸,蟹籽丸等等.
另外仲有提供比较饱肚嘅粉面饭之类.
三个大雪柜入面放咗最少十几款饮品,常见嘅有可乐,七喜,亦有乌龙茶,绿茶,柑桔柠檬等等.
除咗无酒精饮品之外,佢哋仲有加$20任饮Asahi啤酒嘅优惠,不过就要全台人一齐加钱,亦可以只系俾$20单买一杯.如果本身钟意杯中物嘅话,任饮的确比单买抵饮一啲嘅.
呢个放满Dreyer’s嘅雪糕柜好吸引呀,而且系比较贵价嘅D-Collection系列迷你装,唔少日式火锅放题都系按人头俾,呢度就系任食,都几难得.
自助区入面仲有个特别嘅角落,可以俾食客自制炸物,听店员讲佢哋系第一间由日本引入呢款炸串机嘅食肆,旁边嘅雪柜就放咗几款用竹签串好嘅食物,例如鲜虾,冬菇,青椒,茄子,秋葵,一口番薯,芋头鱼饼,香肠,炙烧芝士丸等等.
晌自助区拎完食物就埋位食嘢喇.刺身有油甘鱼,吞拿鱼,三文鱼,希灵鱼,马刀贝,北寄贝,八爪鱼等等拣.不过我哋只系试咗其中几款,油甘鱼有鱼油甘香,马刀贝爽口,吞拿鱼鲜味冇筋,甜虾如果甜一啲就仲好.
火锅汤底拣咗九州猪骨浓汤.
店员一口气拎咗一堆任点任食嘅肉类嚟,分别有极上安格斯牛小排,日本北海道鸡片,美国自然豚肉片同羊肉,我哋试嘅$238放题仲一份海鲜盛合.
极上安格斯牛小排
12 浏览
0 赞好
0 留言
日本北海道鸡片嘅肉质厚身,同埋有少少麻油香.
美国自然豚肉片,煮好之后松化唔痴牙.
羊肉入口有阵膻香,但味道讨好.
海鲜盛合
6 浏览
0 赞好
0 留言
蔬菜
14 浏览
0 赞好
0 留言
自制炸物
22 浏览
0 赞好
0 留言
自制炸物
12 浏览
0 赞好
0 留言
自家制嘅炸秋葵同炸一口番薯,配上天妇罗汁同萝卜蓉,外脆内爽甜.可能系自己有份参与,我觉得好好食呀.
Dreyer’s D-Collection雪糕
14 浏览
0 赞好
0 留言
走𠮶阵发现入口附近摆咗啲日式祈福木牌,可以俾食客写低祝福字句.
墙上仲有堆挂起咗嘅祈福木牌,咁样睇都几有特色.任点任食嘅肉类质素唔错,自助火锅料选择都唔少,最好玩嘅系可以用炸串机自制炸物,同埋仲有任食嘅Dreyer’s D-Collection雪糕,呢日7:30前离座仲有折扣优惠,CP值就仲高.
张贴
