日月星快餐 (已結業)

牛头角算系一个我小去既地方，但机缘巧合之下一个月内第二次黎，听人讲呢度炸鸡比火腿三文治餐好抵食，就走黎试下，炸鸡比火腿治加杯冻柠茶都系$20.5又的确系好抵，如果系下午茶时间黎仲会平三蚊添。火腿治其实好普通，之但系只炸鸡比真系好正，应该炸起无耐够热，皮又脆，真系好正。但讲到环境，自从食市禁烟后有好多餐厅都会用下呢条法例既灰色地带，就好似呢间野咁，佢D位全部唔属于室内范围，所以D客可以食烟，我今日就好唔好彩撞正隔离几个都系食烟既客，仲要风向住我，搅到我食野都食得唔开心，吸O左劲多二手烟，不过经常都讲，自己有权选择，最多下次唔再黎呢类餐厅既姐。