霸嗎拉麵 (屯門市廣場1期)

营业中

休息中

經過尖沙咀店見過大排長龍，今晚黎到屯門#霸嗎拉麵  店試一試。喺香港亦有3間分店。我哋一於去探究下佢既流量密碼!店內裝修以日本風味濃，有不少卡位，坐得挺舒服，唔似日式小店要同人搭枱，又選擇坐半室外位置。炙燒魷魚墨汁雞白湯拉麵🍜一上枱以為成碗墨汁，先嚐一口拉麵湯底，味道超濃郁唔喉涸，上面有原隻切件魷魚🦑好香好彈牙，麵質軟硬啱啱好，拉麵仲好掛湯汁！叉燒味玉雞白湯拉麵🍜雞白湯則比較清淡，湯頭清爽。加上木耳、蔥花等配料，拉麵湯頭恰到好處。雞叉燒大塊，淋身入味，拉麵麵質彈牙。燒汁唐揚炸雞 雞肉肉質鮮嫩，炸得外脆內軟，唔厚粉，即叫即炸，入口熱辣辣。羽根燒餃子餃子水準唔錯，唔會太乾，皮薄香脆。尤其邊位都煎得香口，沾上咸酸餃子汁零舍開胃。青森縣富士蘋果酒以二百幾蚊就有兩款拉麵，二款小食同飲品等，性價比尚算合理。