PdP Pies & Tarts (已結業)

送完闺蜜去湾仔打拳，就继续同闺蜜去食好嘢！我地又铜锣湾行到湾仔，入左喜帖街睇下有边间coffee shop好坐，最后拣左哩间日本嘅！之前新开嘅时候都见到好多ig post讲佢地嘅蛋糕，今次就试试佢！Cafe以Tiffany Blue做主色调，沿著窄窄嘅楼梯上上层，蓝色有令我地系炎炎夏日降温。Menu好简单，基本上就系一页蛋糕，一页饮品。睇下会唔会食set，不过set有成3件批，我地觉得太多，都系拣左每人一杯饮品同share一件批。我嘅饮品系冻嘅培茶latte，都几大杯！培茶味非常浓郁，上面有一层奶泡，好creamy，不过浓到最后都饮唔晒，但系味道激赞！至于蛋糕，我地拣左招牌嘅士多啤梨批。佢最出名就系铺满密密麻麻生果嘅批，虽然切件之后冇咁壮观哈哈！批入面有两层，一层cream，一层吉士。吉士嘅蛋味超出！一入口就食到蛋味，个人觉得有d太浓蛋味，我都系钟意奶油味多d。士多啤梨有8片，不过都颇酸，批底厚实，like！