牛涮鍋 (已結業)

牛乜锅，牛勿锅依家开到成行成市，竞争都几激烈。今日行开奥海城，就用埋之前抽中但就过期既现金券，去试下牛涮锅！环境又几舒服，入坐时有问想一人一锅定两人一锅，原来系安排座位之用。想坐卡位舒服d既就只好两人一锅。空间阔落，地下又干爽，环境光猛！两人一锅蕃茄汤想追加牛肉定加汤，系枱底有得自助落单，效率高，好快送到！鸡牛猪各自先黎一碟，新鲜！牛肉肥瘦适中，好好食，一共食左三碟😬仲有d丸类，菜同菇自助吧到仼拎，普普通通！建议量力而为，唔好眼阔肚窄，留多d位食多两块牛肉仲好啦。食完仲有扭纹雪糕做甜品，六款配料仼加，抵食！