影片
更多
2017-01-18
561 浏览
炑八韩烤晌黄大仙开咗新店，仲用韩牛做主打，呢日就同朋友嚟试吓。入面嘅环境光猛，每张台都有抽油烟囱，有啲台就系油桶凳。有啲就系四人卡位。装修方面就有啲咖啡店嘅感觉。每个角落嘅陈设都略有不同，呢个位就好似人哋屋企嘅书柜，侧边仲贴咗韩国明星海报。墙上嘅图案都几多款。例如系呢个，标示咗一只牛唔同部位嘅韩文名呢！我觉得呢块黑板嘅烤肉图案好得意。同好多韩式烧烤一样，呢度有提供前菜嘅，其中嘅大豆芽就有麻油香、昆布入面嘅酱汁微甜，仲有生菜、青瓜、甘笋用嚟同烧肉一齐食，而且某啲前菜系可以同侍应要求refill，大大提升蔬菜摄取量，呢点系我对韩式烧烤印象唔错嘅原因，同埋食多啲菜感觉都唔会太腻。酱料方面就已经预先放晌台上，由食客自己斟嚟用。酱油、海盐同大酱，不过呢晚都系食肉嘅原味，都无乜点用过呢！餐厅有两本餐牌，呢本主要系餐厅嘅推介菜式，其中有啲仲只系黄大仙店先有嘅。呢本就系餐厅嘅全部菜式，烧肉细分咗牛、猪、鸡同海鲜类等，另外仲有其他韩国菜式、甜品同饮品。同一般韩式烧烤一样，餐厅采用嘅系好似龟背咁嘅铁板。餐厅系直接由韩国进口韩牛，餐牌入面仲指采用嘅系最顶级1+同1++级别嘅短角金毛韩牛，质素等同A5和牛，呢
炑八韩烤晌黄大仙开咗新店，仲用韩牛做主打，呢日就同朋友嚟试吓。入面嘅环境光猛，每张台都有抽油烟囱，有啲台就系油桶凳。
有啲就系四人卡位。
装修方面就有啲咖啡店嘅感觉。
每个角落嘅陈设都略有不同，呢个位就好似人哋屋企嘅书柜，侧边仲贴咗韩国明星海报。
墙上嘅图案都几多款。
例如系呢个，标示咗一只牛唔同部位嘅韩文名呢！
我觉得呢块黑板嘅烤肉图案好得意。
前菜
30 浏览
0 赞好
0 留言
酱料方面就已经预先放晌台上，由食客自己斟嚟用。
酱油、海盐同大酱，不过呢晚都系食肉嘅原味，都无乜点用过呢！
餐厅有两本餐牌，呢本主要系餐厅嘅推介菜式，其中有啲仲只系黄大仙店先有嘅。
呢本就系餐厅嘅全部菜式，烧肉细分咗牛、猪、鸡同海鲜类等，另外仲有其他韩国菜式、甜品同饮品。
同一般韩式烧烤一样，餐厅采用嘅系好似龟背咁嘅铁板。
韩牛珍贵部位拼盘
88 浏览
0 赞好
0 留言
韩牛珍贵部位拼盘，用咗木块造型嘅盘当系碟，玩味十足，中间就有三色椒、磨菇、洋葱同番茜。拼盘入面嘅韩牛分别系贝身肉、西冷扒、肩胛肉同牛五花肉，每个部位嘅油脂分布都略有不同，有比较软嫩嘅、有有嚼劲嘅，牛味浓郁可口。
铁板除咗可以整烤泡菜蛋同芝士粟米之外，仲有个细细哋嘅网架，既可用嚟摆未能即时食嘅肉，又可以用嚟保温，当然牛肉要尽快食，唔系嘅话余温有可能会令肉质过熟，咁就会影响口感。
食烧烤时可以用生菜包住食，又或者按自己喜好加唔同嘅前菜同酱料一齐食。
韩牛牛胸大酱汤
20 浏览
0 赞好
0 留言
同埋仲有饮品同甜品，菊花梳打嘅杯边有朵仿菊花，拎嚟影相都唔错，味道方面就系一杯清热嘅有气菊花蜜。
跟住两款就只系黄大仙分店先有，香芒橙汁嘅杯边就放咗一片厚切鲜橙，下层系用咗芒果同鲜橙打成嘅果汁，质感浓稠，甜味就适中。
草莓塔，睇过餐牌嘅参考图，即时令我谂起近月晌港岛区新开嘅韩国过江龙甜品店，不过呢度嘅价钱就平接近一半。高身杯最下层系士多啤梨沙冰，中间同最上层就用咗鲜忌廉同鲜士多啤梨点缀，实际卖相都唔弱。士多啤梨微甜唔过酸，下层嘅沙冰打得细碎，味较人工化但可接受。不过建议最好将杯上面嘅士多啤梨食晒先，过程亦要快速咁进行，如果唔系会有跌落嚟嘅可能，而且一杯份量都唔少，同朋友share就啱啱好。
炑八韩国红豆冰沫，其实已经唔系第一次试呢款冰品，晌其他地方食过相类似嘅，觉得配搭上比较稳阵，所以就叫嚟一齐食。
佢系用麻糬、红豆蓉、杏仁片、黄豆粉同牛奶冰沫组成，冰沫入口即化，中间仲捞咗啲麻糬，因为佢本身已经有甜味，所以都无再淋炼奶，有时简简单单无太多花巧反而可能仲好。走𠮶阵身上无乜油烟味，唔错呀！
张贴
