炑八韓烤 (彩明商場) (已結業)

今日心思思好想食韩烧，经过调景岭彩明商场，见到炑八嘅将军澳彩明店，有新嘅期间限定套餐，望落去就流晒口水，经过又点可以错过呢🤩和牛牛舌胜烧套餐 ($698)- 套餐真心好正，肉类够晒多元化，有韩牛前胸肉、霜降牛小排、护心肉、和牛牛舌、猪梅花肉、大啡菇，咁啱大八爪鱼冇货，转咗做鱿鱼，一样都咁高质☺️- 个人最钟意和牛牛舌，切片均等薄身，烧完之后香焦惹味，口感烟韧，有咬口🥰- 霜降牛小排油香味扑鼻，而且牛味十足，烧完之后将佢烧香脆焦香，真系好食到冇得弹😄炑八嘅三款泡菜真系不得不提，好好好食😋个人最钟意普通同海带嘅泡菜，酸甜爽口，encore咗三轮；另外，前菜沙律都好醒胃，沙律菜新鲜脆身，好refreshing💛同埋要提吓佢地炉边芝士好好味啊，香浓足料，热辣辣每啖都拉丝满满，好味到encore咗两次😚饮品方面加咗两杯梳打—薄荷荔枝梳打、菠萝梳打，薄荷荔枝呢杯清香醒神，而且都有带点甜味，菠萝𠮶杯甜蜜十足，格外开胃，配搭邪恶嘅韩烧一流😆餐厅座位阔落，分隔得好好，坐得好舒服，而且冇咩太大嘅油烟，系餐份外满足嘅dinner，好正啊❤️