生記粥店

营业中

休息中

之前话过要嚟食炒河粉，讲吓讲吓又隔咗几个月...今次再度造访，都系为咗佢...通常普通粥舖只得炒面或炒米供应，已越来越少机会食到炒河，因为大多粥舖都唔会嘥时间去整。记得细细个时通常都买一碟外卖炒河做早餐，冇得顶...虽然炒得较油，但沙河粉够粗又够嚼劲，加埋爽口嘅芽菜，乜嘢儿时感觉都返晒嚟...出奇地拌粉吃嘅皮蛋瘦肉粥亦系水准之作。瘦肉条呈半肥瘦，绝唔系其他粥舖食到𠮶D柴皮肉条可以相比。净系呢样嘢，已可一赞...