聯發茶餐廳

营业中

休息中

好耐冇食联发嘅炒滑蛋，特登嚟食返个常餐。依家疫情底下外卖饭盒买一送一，见到侍应姐姐好忙咁包装买饭盒，做到无停手。滑蛋葱花叉烧饭嘅蛋略嫌老咗啲熟得滞，甜豉油成支比你自己啰，钟意落几多都得。滑蛋里面有洋葱，令到个炒蛋香咗好多，不过都系老得滞。常餐可以拣餐肉、火腿或者五香肉丁，可以配米粉、通粉或者面。个炒滑蛋冇得输，颜色好靓，偏橙，炒得好滑好多汁，配上厚多士，厚多士烘得好脆。虽然$58一个茶餐都几贵，但久唔久食下都OK。