影片
更多
2017-04-20
2139 浏览
情绵绵，软绵绵，意绵绵，暖绵绵，爱绵绵，纠纠缠，绕绕缠，绵绵缠，缠缠绵，痴痴缠。写歌词咩，哈哈！其实，我只系想勾画出一碟炒滑蛋嘅风姿绰约，所绽放出来嘅优雅气质和柔美体态。无论你食滑蛋虾仁或者滑蛋叉烧或者滑蛋其他， 记住：个主角永远系炒滑蛋，而唔系叉烧、鲜虾或者其他。一碟靓嘅炒滑蛋，一定要够软，够嫩，够滑，够暖，不可过油，不可过火。仲要一定要够多，要完完全全挂满唒只鲜虾，先可以展现出滑蛋嘅丰满身段，体态撩人，贴贴服服，如何将一只鲜虾征服！😂😂😂咁我哋去返现场，问吓啲现场观众，请问呢碟滑蛋小姐够唔够靓女呢？ 「靓到晕，冇得顶，未见过咁靓，未试过咁正！」现场观众嘅反应系一面倒，睇嚟系众望所归嘅大热门。咁啱见到梁师傅，我忍唔住要即赞：梁师傅好嘢，未食过咁靓嘅炒滑蛋。梁师传笑逐颜开，带点自信同我哋讲:「 炒滑蛋系龙田师傅亲自传授我的，炒滑蛋系师傅嘅名菜之一，唔可以失礼㗎！」原来系龙田师傅高徒，唔怪得知啦！龙田师傅可谓中菜厨师界嘅传奇人物。当年，贵为钻石酒楼总厨，但同时间龙田师傅亦系15间酒楼嘅总厨，一人骑十五间酒楼，厉害吗？服未？后生一辈可能都未听过钻石酒楼，真可惜。当时，钻石酒楼虽未至系最高级
写歌词咩，哈哈！其实，我只系想勾画出一碟炒滑蛋嘅风姿绰约，所绽放出来嘅优雅气质和柔美体态。
无论你食滑蛋虾仁或者滑蛋叉烧或者滑蛋其他， 记住：个主角永远系炒滑蛋，而唔系叉烧、鲜虾或者其他。一碟靓嘅炒滑蛋，一定要够软，够嫩，够滑，够暖，不可过油，不可过火。仲要一定要够多，要完完全全挂满唒只鲜虾，先可以展现出滑蛋嘅丰满身段，体态撩人，贴贴服服，如何将一只鲜虾征服！😂😂😂
咁我哋去返现场，问吓啲现场观众，请问呢碟滑蛋小姐够唔够靓女呢？ 「靓到晕，冇得顶，未见过咁靓，未试过咁正！」现场观众嘅反应系一面倒，睇嚟系众望所归嘅大热门。
咁啱见到梁师傅，我忍唔住要即赞：梁师傅好嘢，未食过咁靓嘅炒滑蛋。梁师传笑逐颜开，带点自信同我哋讲:「 炒滑蛋系龙田师傅亲自传授我的，炒滑蛋系师傅嘅名菜之一，唔可以失礼㗎！」
原来系龙田师傅高徒，唔怪得知啦！龙田师傅可谓中菜厨师界嘅传奇人物。当年，贵为钻石酒楼总厨，但同时间龙田师傅亦系15间酒楼嘅总厨，一人骑十五间酒楼，厉害吗？服未？
后生一辈可能都未听过钻石酒楼，真可惜。当时，钻石酒楼虽未至系最高级，但其实系禾秆冚珍珠。钻石酒楼的其中一个创办人就系镛记酒家老板甘穗辉先生，所以识食嘅都知，钻石嘅烧鹅其实都几好食，钻石个烧鹅炉都系有驳烟囱㗎。镛记行一线，钻石走二线，玩哂啦。加埋龙田师傅坐镇，炒滑蛋、柱侯牛腩、炆班腩，直情系经典啦！我记得我好细个，真系好细个𠮶阵，成日跟老豆去钻石酒家饮茶，都系见佢叫斑腩饭，而家知点解啦，细个𠮶阵时识鬼欣赏咩！
去返现场，原来滑蛋小姐已经攞咗冠军，颁埋奖，谢埋票，来个美人照镜，全碟清哂。点解，一啲都唔留番畀我？
此时，一个好靓仔嘅荣总，咬住支牙签撩吓排牙，一副赵完松嘅样子，小小嚣咁讲：「见到靓女梗系要快手啦，十吓十吓！」😭😭😭😭
滑蛋虾仁
230 浏览
1 赞好
0 留言
滑蛋虾仁
174 浏览
0 赞好
0 留言
张贴
