曾記粿品

营业中

休息中

新年喇，又系要食啲乜糕物糕嘅时候。一时心血来潮，今年想食啲潮式糕点，就特登去上环呢间老字号买糕点过年。当我仲怕佢哋冇开门嘅时候，事实上佢哋喺忙到停唔到手，原来已经有好多人向佢哋订咗糕点过年。我因为冇事先预订，所以只能够买佢哋当日未有被人预订的糕点。因为时值午饭时间，睇到佢哋餐牌上有个炒潮式糕粿，我已经好耐冇食呢样嘢啦，于是就嗌咗一碟当作午餐。记得阿叔仲望咗我一眼，话「好喇，我炒俾你啦！」，都唔知喺唔喺本来都唔准备开炉。我等咗一阵碟嘢至上枱。糕粿喺东南亚一带，尤其是在星、马系一个非常普遍的食材，系由米浆同沾米粉沟水蒸出嚟的东西，佢嘅口感有少少似萝卜糕。潮式炒法，通常就系同啲鸡蛋、韭菜、甜豉油一齐炒，系个非常之经济又饱肚的食物。呢度嘅糕粿偏腍，阿叔炒出嚟嘅糕粿系好味嘅，只不过油腻咗啲，如果冇落咁多油可能会更加好。下次嚟呢度买嘢嘅时候会试吓佢第啲潮式小食。