荔香園冰室 (已結業)

系旺角等睇戏，入女人街食过快饭就最arm。女人街荔香园都系一个唔错选择，食物款式够大众化，价钱亦贴地亲民，最重要份量多，大男人都够食。鲜茄芝士公司杂扒焗饭即叫即焗，有齐猪扒鸡扒火腿同肠仔，大胃王肯定arm食。蕃茄酱够酸香，有炒饭底之余仲送多只蛋，吉穿佢黎食饭，正。皇袍叉烧饭炒蛋同叉烧的份量超多，蛋黄滑溜够流心，唔会怕个饭干柴柴，加埋待制豉油捞饭，你我都会爱。鱼汤海鲜粉丝煲天气冻冻地，叫埋个煲暖笠笠， 青口，鱼块，鱿鱼，份量多，蔬菜清甜，仲有饭跟，肯定够饱。