民華餐廳

营业中

休息中

呢一间茶餐厅除左有一般嘅茶餐之外，仲有好多点心。而且点心嘅质素都唔错，口痕想食点心嘅都多一个选择。而且价钱仲要一啲都唔贵。北菇蒸鸡饭饭有鸡油香味，鸡都好滑。比好多酒楼都要好味。排骨饭排骨用嘅部位唔算好肥，变左饭就淡味左少少。五香牛肚牛肚部位唔错，食落淋身。味道够香浓。个人就几钟意。番茄牛通番茄汤味道够，通粉因为煮太耐而变霉。牛油多士，炒蛋，火腿而家间间茶餐厅都对炒蛋特别讲究，呢间都一样。滑就一定呀啦，而且佢仲系特别香口，颜色仲好金黄色。烧卖味道同茶楼基本上系一样，不过呢度多一粒杞子，食落就多一个层次。