金輝海鮮菜館

营业中

休息中

同朋友去西贡玩，之后朋友又提议嚟呢间菜馆食晚饭，最初我都担心会好贵，因为食海鲜唔系讲笑，有时食下食下食多咗就唔好啦， 而且因为遇咗去玩所以就冇带credit card，不过我朋友话佢同呢间个经理好熟，唔会锯架我哋， 所以就咁样就去咗呢间食晚饭。嚟得食海鲜都会叫椒盐濑尿虾，因为朋友话个个都会叫，靠海食海， 食咗都觉得呢度啲濑尿虾好新鲜，而且觉得好香口系好好食，如果唔系怕喉咙痛嘅话一定会叫多啲嚟食。白灼海虾都系好正，啲虾真系鲜甜又爽口又弹牙，就咁样白灼就已经好好味证明超级新鲜， 而家写文谂返起都想再食。豉椒炒蚬，啲蚬大大只厚厚肉又冇沙，个厨房师傅炒得好劲好够镬气，好耐冇食过咁好食嘅豉椒炒蚬，而且有少少湿身咁样可以用多啲汁好𩠌饭。跟住又叫咗一碟菜，碟菜就ok正正常常咁啦，冇话特别好食或者唔好食。然后又蒸咗蟹嚟食，只蟹都好鲜甜，唔系好话好多肉但系啲味道就好鲜， 啲蟹膏唔算好多但系就好有蟹膏浓味，真系唔错。食食下朋友就走咗去埋单，佢话今餐佢请，所以我唔知食咗几多钱。