好運泰國美食

营业中

休息中

餐厅虽然喺商场入面，对面又有米芝莲糖水店，但其实商场人流唔多，可以用静嚟形容，所以唔容易发现到小店🙉。虽然食评唔多，但当中不乏赞佢嘅评论，加上自己中意试伏😂，最后决定试下晚餐。海南鸡 $94/半只鸡肉嫩滑，鸡皮唔叫爽弹，而系滑。无鸡腥味，但亦无乜鸡味，不过不失。炸虾饼 $78性价比唔高，细细件，剪到有大有细，砌番一齐嘅话，似完整一粒分成三件FEEL。除非好中意食虾饼，否则唔建议点佢😥。牛肉炒金边粉 $74由于炒饭已经有海鲜，所以叫左牛肉。牛肉份量唔多，切得比较薄身；炒粉唔干干身，同埋碎湿湿。不过闻落同食落都好有镬气、同蛋香，而且好热，调味适中、少少酸，唔错🤤。菠萝炒饭 $70炒饭配料几丰富，除左大虾同鱿鱼外，仲有三色豆、提子干、菠萝粒、肉松，如果加埋脆腰果就更正!! 饭炒到粒粒分明，而且几正宗，用黄姜粉，而唔系咖哩粉。职员上菜快、效率高，落左柯打大概十分钟就到齐。晚市除左有泰菜外，仲有日式串烧，选择好多，而且价钱亲民，又无加一，可以一试👍。其他资讯：餐厅满$400先可以碌卡。