找餐時間 (已結業)

成日觉得午市时间喺港岛区揾食甚艰难，人多又贵仲有时又唔太好食。今次经开西营盘呢区，放饭时间本身想食𠮶间好多人排队等位，咁见到呢间主打食冷面炒面既小店，睇落几吸引，价钱合宜就入去食啰店内地方座位有限，较挤迫。menu选择主要得冷面或者炒面拣，炒面黎讲得三款选择。炒面可以再拣咩𩠌底同配日式或韩式辣酱炒。我地一个拣左配虾，一个配鸡肉，全是韩式辣酱炒面。面餐配送沙律、芝士蛋卷，饮品可以拣汽水或花茶。今日花茶系茉莉花玫瑰花茶，细细樽，似冷泡茶，茶味都香浓，不错。至于炒面，辣酱惹味，除了虾肉，还有樱花虾，感觉好丰富。同事鸡肉𠮶份样子就逊色少少，但味道都好食。除了餐盘唔太环保，其他还是不错。