永和海鮮酒家

营业中

休息中

永和唔系只有卖情怀，就算系卖都系街坊价，上下四层都系原居民、街坊同附近做野嘅人。闲日只系8蚊一位茶，顶点只系33蚊，重有48蚊午市特价粉面饭。时菜鸡柳炒面上台时重飘系水蒸气，师傅系正正宗宗传传统统嘅乡村粤菜手势，可能我年纪大左，真系觉得好食，系由细食到大嘅好味，不过最好味嘅味菜炒面，今次叫特价嘅。每次我都叫鲮鱼球，已经唔记得响几时响边度，重可以见到有西洋菜垫底嘅蒸鲮鱼球，味道唔算好浓，好似海棉一像软软哋。乡村酒楼人情味好浓，阿姐冇排斥外人，虽然唔系殷勤式嘅服务，但系有倾有讲，介绍你食特价嘢， 亲切有礼，快手快脚。两个人清清净净坐咗2粒钟，一碟炒面，2个中点，一共$125，泊车泊远少少露天停车场，$16一个钟，除左冇豪华装修，比北上清净舒服。