湯品小棧 (已結業)

今日又去开大角咀做嘢，又系谂住食一个简单晚餐，行过嘅时候见到呢一间系饮汤出名嘅餐厅，仲要拎过米之莲，当然要入去试吓。餐厅空间不大，有大约10个座位，好彩我一个人都容易揾位。松茸炖汤＄42个杯嘅外型好可爱，同我地平时饮开嘅白色碗炖汤好唔同。除咗外型得意之外，入边都好足料。一上枱就闻到好重嘅松茸味道，有松茸，有红萝卜丝，有木耳，同埋最重要嘅鸡脾肉，靠佢将成个汤嘅味道带咗出嚟，好鲜甜，这个汤味道较突出，可能系因为松茸嘅关系，咁嘅价钱，绝对足料兼落足心机。芥末猪手麻酱捞面＄36上枱嘅时候本来仲以为黎错左，见到上面全部都系泰式辣酱，原来系啱嘅。个芥末酱系捞左系面入边，估唔到猪手同泰式辣酱有几match，酸辣嘅味道好开胃，芥末比较突出，所以不太食得出麻酱嘅味道，但整体味道不错，面底用上韩式幼面，几弹牙，而且可以吸晒酱汁，食完都几饱肚。