尚鮮海鮮料理

营业中

休息中

打边炉一向都系我既至爱，过一段时间就想打返个边炉。今日就拣左呢个尚鲜，因为睇中左佢既炖汤系列。我地最后拣左养生既川贝海底椰炖鳄鱼肉。跟住叫左牛肉三并，四色丸，双并饺，菜，午餐肉，蜂巢豆腐，金菇等等。。。好丰富呀～～～生啤而家做紧优惠，买一送一🍺🍺🍺出得黎食就要蚝一蚝佢，几鲜甜😝😝😝未打边炉之前就试左个炖汤先，饮得出好足料。我饮左2碗汤😛😛午餐肉砌得好靓，粟米好甜好味道。牛三并-三种唔同口感同味道既牛，满足食牛既朋友仔。四色丸-d丸全部都系有馅，只只都唔同，好特别。好似粒牛丸，以为流沙蛋黄，原来唔系，系1/4个蛋黄系入面，好应节（sorry, 联想左月饼🥮）。好有特色既四式丸，唔系度度都有。最后一提，个锅真系好大，未试过咁大个锅，感觉好似全部野放哂入去都够位，打得好畅快。早场或夜场仲有discount。